საქართველოს პრეზიდენტი ახალდანიშნულ ელჩებს შეხვდა

0
3485

საქართველოს პრეზიდენტმა გიორგი მარგველაშვილმა ახალდანიშნულ ელჩებთან შეხვედრა გამართა.

პრეზიდენტის ადმინისტრაციის ცნობით, „დიპლომატიური სამსახურის შესახებ“ საქართველოს კანონის მე-6 მუხლის მე-5 პუნქტის საფუძველზე, ავსტრალიის თანამეგობრობაში საქართველოს საგანგებო და სრულუფლებიანი ელჩის თანამდებობაზე 2017 წლის 1-ელი ივნისიდან გიორგი დოლიძე დაინიშნა;

უკრაინაში საქართველოს საგანგებო და სრულუფლებიანი ელჩისა და სუამში საქართველოს მუდმივი წარმომადგენლის თანამდებობაზე 2017 წლის 15 ივნისიდან – გელა დუმბაძე;

მალაიზიაში საქართველოს საგანგებო და სრულუფლებიანი ელჩის თანამდებობაზე 2017 წლის 1-ელ აპრილიდან – ნიკოლოზ აფხაზავა;

პოლონეთის რესპუბლიკაში საქართველოს საგანგებო და სრულუფლებიანი ელჩის თანამდებობაზე 2017 წლის 15 ივნისიდან – ილია დარჩიაშვილი;

ბრაზილიის ფედერაციულ რესპუბლიკაში საქართველოს საგანგებო და სრულუფლებიანი ელჩისა და კარიბის ქვეყნების გაერთიანებაში საქართველოს წარმომადგენლის თანამდებობაზე 2017 წლის 1-ელი ივნისიდან – დავით სოლომონია;

ნიკოლოზ ნიკოლოზიშვილი კი, რუმინეთში საქართველოს საგანგებო და სრულუფლებიანი ელჩის თანამდებობაზე 2017 წლის 15 ივნისიდან დაინიშნა.

გააკეთეთ კომენტარი

Please enter your comment!
Please enter your name here