საქართველოს ფეხბურთის ფედერაციის პრეზიდენტის დღევანდელ არჩევნებს უეფას ვიცე-პრეზიდენტი გრიგოლი სურკისი დაესწრება. სპეციალურად არჩევნებისთვის თბილისში ჩამოსული არიან უეფას სხვა წარმომადგენლებიც.
ამასთან, ფეხბურთის ფედერაციის პრეზიდენტობის არჩევნებს ენერგეტიკის მინისტრი კახა კალაძე და სპორტისა და ახალგაზრდობის საქმეთა მინისტრი ტარიელ ხეჩიკაშვილი ესწრებიან.
სასტუმრო “ჰოლიდეი ინში”, სადაც საქართველოს ფეხბურთის ფედერაციის პრეზიდენტის არჩევნები უნდა გაიმართოს, ვითარება დაძაბულია. ყრილობა ამ დრომდე არ დაწყებულა.
