”ერთიანი ნაციონალური მოძრაობის” ლიდერმა დავით ბაქრაძემ გორის მე -3 საჯარო სკოლაში, დონეცკის აეროპორტის დაცვის დროს დაღუპული თამაზ სუხიაშვილის შვილი, ლუკა სუხიაშვილი პირველ კლასში მიიყვანა, – ამის შესახებ ინფომაციას ნაციონალური მოძრაობის პრესსამსახური ავრცელებს.
მათივე ინფორმაციით, დავით ბაქრაძემ ქვეყნის მასშტაბით ყველა პირველკლასელს სკოლის დაწყება მიულოცა. ბაქრაძემ აღნიშნა, რომ ქვეყნის ერთიანობის დაცვისთვის, სამშობლოსთვის შეწირული გმირების ოჯახებს სახელმწიფოსგან მეტი დაფასება, ყურადღება და თანადგომა უნდა ჰქონდეთ.
