რუსეთი ვენესუელიდან უნდა წავიდეს, – ამის შესახებ ამერიკის შეერთებული შტატების პრეზიდენტმა, დონალდ ტრამპმა თეთრ სახლში ვენესუელის ოპოზიციის ლიდერის, ხუან გუაიდოს მეუღლესთან შეხვედრისას განაცხადა. ამის შესახებ ინფორმაციას Reuters-ი ავრცელებს.
ჟურნალისტის კითხვაზე, როგორ დაატოვებინებს რუსეთს ვენესუელას, ტრამპმა უპასუხა „ვნახავთ. ყველა ვარიანტი ღიაა“.
უცხოური მედიის ინფორმაციით, რუსეთის ორი სამხედრო თვითმფრინავი ვენესუელაში 2 დღის წინ ჩაფრინდა და კარაკასში 100 რუსი სამხედრო ჩაიყვანა.