მომავალი წლის მაისში საქართველოში ჩრდილოატლანტიკური ალიანსის საპარლამენტო ასამბლეის საგაზაფხულო სესია გაიმართება.
ამის შესახებ პარლამენტის თავმჯდომარე დავით უსუფაშვილმა ნატო-ს გენერალურ მდივანთან, იენს სტოლტენბერგთან შეხვედრაზე განაცხადა.
”ეს იქნება ნატო–ს არაწევრ სახელმწიფოში ნატო–ს საპარლამენტო მიმართულებით ერთ–ერთი ყველაზე უფრო მნიშვნელოვანი ღონისძიება”, –აღნიშნა უსუფაშვილმა.
შეხვედრაზე მხარეებმა ხაზი გაუსვეს, რომ ნატო-ს საპარლამენტო ასამბლეის საგაზაფხულო სესია იქნება კიდევ ერთი დასტური იმისა, რომ ბუქარესტის სამიტის გადაწყვეტილება ძალაშია და საქართველო ნატო-სთან გააგრძელებს მჭიდრო თანამშრომლობას ქვეყნის ალიანსში საბოლოო გაწევრიანების მიზნით.
