ვაშინგტონი კუბას სანქციებს შეუმსუბუქებს

0
1369

აშშ-მ კუბის წინააღმდეგ სანქციები კიდევ ერთხელ შეამსუბუქა. ამის შესახებ CNBC აშშ-ის ფინანსთა სამინისტროზე დაყრდნობით იტყობინება.
გავრცელებული ინფორმაციით, გაუქმდა შეზღუდვები სატრანსპორტო, სატელეკომუნიკაციო, ინტერნეტისა და ფულადი გადარიცხვების კუთხით.
“დღევანდელი განცხადება კუბელი ხალხისთვის ცვლილებებს შეუწყობს ხელს”, – განაცხადეს აშშ-ის ხაზინაში.
ოფიციალურ ვაშინგტონსა და ჰავანას შორის ურთიერთობები ბოლო პერიოდში დათბა. აშშ-მ ჰავანაში და კუბამ ვაშინგტონში საელჩოები კვლავ გახსნა. კუბასა და აშშ-ს შორის დიპლომატიური კავშირები 1961 წლის შემდეგ გაყინული იყო, მაშინ როდესაც ვაშინგტონმა კუბასთან სავაჭრო კავშირები გაწყვიტა და ემბარგო დააწესა. 2014 წლის ბოლოს კი კუბამ და აშშ-მ კავშირების აღდგენა გადაწყვიტეს. აპრილში აშშ-ს პრეზიდენტმა კუბა ტერორიზმის მხარდამჭერი ქვეყნების სიიდან ამოიღო. რამდენიმე თვის წინ კი ობამასა და კუბის ლიდერ რაულ კასტროს შორის ისტორიული შეხვედრაც შედგა.

გააკეთეთ კომენტარი

Please enter your comment!
Please enter your name here