შსს-მ სახელმწიფო საზღვრის უკანონოდ გადაკვეთის მცდელობის ბრალდებით ორი პირი დააკავა

0
909

შსს-მ საქართველოს სახელმწიფო საზღვრის უკანონოდ გადაკვეთის მცდელობის და საზღვარზე მიგრანტის უკანონოდ გადაყვანის მცდელობის ფაქტზე ორი პირი დააკავა. შსს-ს ინფორმაციით, შსს-ს საპატრულო პოლიციის დეპარტამენტის აჭარის მთავარი სამმართველოს და სახელმწიფო უსაფრთხოების სამსახურის კონტრდაზვერვის დეპარტამენტის აჭარის მთავარი სამმართველოს თანამშრომლებმა, ერთობლივად ჩატარებული ოპერატიულ-საგამოძიებო ღონისძიებების შედეგად, 1964 წელს დაბადებული, საქართველოს მოქალაქე გივი ძ. საქართველოს სახელმწიფო საზღვარზე მიგრანტის უკანონოდ გადაყვანის მცდელობის ბრალდებით, ხოლო 1991 წელს დაბადებული, უზბეკეთის მოქალაქე მუნიჯადხონ მ. საქართველოს სახელმწიფო საზღვრის უკანონოდ გადაკვეთის მცდელობის ბრალდებით სარფის საბაჟო გამშვებ პუნქტში დააკავეს. გამოძიებამ დაადგინა, რომ გივი ძ-ს თავისი კუთვნილი მიკროავტობუსის სალონში სპეციალური სამალავი ჰქონდა მოწყობილი, რომლის მეშვეობითაც უზბეკეთის მოქალაქის თურქეთში უკანონოდ გადაყვანას ცდილობდა. ორივე დაკავებული აღიარებს ჩადენილ დანაშაულს.

გამოძიება გივი ძ-ს მიმართ საქართველოს სახელმწიფო საზღვარზე მიგრანტის უკანონოდ გადაყვანის მცდელობის ფაქტზე (საქართველოს სსკ-ის 19-344 პრიმა მუხლის 1-ლი ნაწილით), ხოლო მუნიჯადხონ მ-ს მიმართ საქართველოს სახელმწიფო საზღვრის უკანონოდ გადაკვეთის მცდელობის ფაქტზე მიმდინარეობს (საქართველოს სსკ-ის 19-344-ე მუხლის 1-ლი ნაწილით).

გააკეთეთ კომენტარი

Please enter your comment!
Please enter your name here