დემირელის კოლეჯის კიდევ ერთი წარმატება მსოფლიო ასპარეზზე

0
1305

თბილისის დემირელის სახელობის კერძო კოლეჯის მოსწავლეებმა მსოფლიოს ყველაზე პრესტიჟულ ოლიმპიადაზე 4 მედალი მოიპოვეს.

გასულ კვირას ყაზახეთის დედაქალაქ ალმათში გამართულ ჟაუტიკოვის სახელობის მე-12 საერთაშორისო ოლიმპიადაში თბილისის დემირელის სახელობის კერძო კოლეჯის მოსწავლეთა გუნდმაც მიიღო მონაწილეობა.

სხვადასხვა ქვეყნის 62 უძლიერეს გუნდსა და 414 მონაწილეთა შორის, მსოფლიოს ყველაზე პრესტიჟულ ოლიმპიადაზე ქართველმა მოსწავლეებმა დემირელის კოლეჯიდან 4 მედალი მოიპოვეს: გიორგი სახირტლაძემ – ვერცხლი (ინფორმატიკა); ნუგზარ ჩხაიძემ – ბრინჯაო (ინფორმატიკა);თემურ მიქავამ – ბრინჯაო (მათემატიკა);გიორგი კლდიაშვილმა – ბრინჯაო (მათემატიკა).ოლიმპიადაში, რომელშიც ტრადიციულად არა ქვეყნების ნაკრებები, არამედ სპეციალიზებული ფიზიკა-მათემატიკური სკოლების გუნდები მონაწილეობენ, დემირელის სახ. კერძო კოლეჯი ერთადერთი არასპეციალიზებული სასწავლებელი იყო, რომელიც ამ ოლიმპიადაში მონაწილეობდა და განსაკუთრებულ წარმატებას მიაღწია.

საქართველოდან დემირელის კოლეჯის გარდა, კიდევ სამი ფიზიკა-მათემატიკური სკოლის გუნდი მონაწილეობდა: თბილისის კომაროვის სახ. 199-ე სკოლა (1 ვერცხლი, 5 ბრინჯაო), თბილისის ვეკუას სახ. 42 სკოლა (2 ვერცხლი, 2 ბრინჯაო), ქუთაისი რაზმაძის სახ. 41-ე სკოლა (4 ბრიჯაო). საგულისხმოა, რომ საქართველოდან მონაწილე 4 გუნდს შორის ინფორმატიკაში ვერცხლის მედლის აღება მხოლოდ დემირელის კოლეჯის გუნდმა მოახერხა.

”წელს ჩვენი კოლეჯი პირველად წარსდგა ამ ოლიმპიადაზე სრული გუნდით, სარეიტინგო სიაში დემირელის კოლეჯის გუნდმა 62 მონაწილე გუნდს შორის 28-ე პოზიცია დაიკავა და თავის შედეგით 34 სპეციალიზებულ ფიზიკა-მათემატიკურ სკოლას გადაასწრო. განაცხადა გუნდის ხელმძღვანელმა გიორგი მანდარიამ. „ამ ეტაპზე დემირელის კოლეჯი გუნდურ რეიტინგში ინფორმატიკაში (ისევე როგორც მათემატიკაში) მის წინ მდგომ რამდენიმე გუნდს ასწრებს. ხოლო ინფორმატიკის გუნდურ რეიტინგში კოლეჯმა წელს გრან პრის მფლობელ გუნდსაც კი გაუსწრო.“

დემირელის სახელობის კერძო კოლეჯი მსოფლიო დონის ოლიმპიადაზე 7 მოსწავლით იყო წარდგენილი, მათგან 4-მა საპრიზო მედალი მოიპოვა, ხოლო სამ მოსწავლეს მცირედი დააკლდათ მედლამდე. გუნდს პროფესორები გიორგი მანდარაია და ირაკლი ჩიტაია ხელმძღვანელობდნენ.

გააკეთეთ კომენტარი

Please enter your comment!
Please enter your name here