პრეზიდენტმა ეროვნული ბანკის პრეზიდენტად კობა გვენეტაძე დანიშნა

0
922

საქართველოს პრეზიდენტმა გიორგი მარგველაშვილმა ეროვნული ბანკის პრეზიდენტად კობა გვენეტაძე დანიშნა. შესაბამის განკარგულებას საქართველოს პრეზიდენტმა გიორგი მარგველაშვილმა ხელი დღეს მოაწერა.

„მე დავამტკიცე გვენეტაძის კანდიდატურა ეროვნული ბანკის პრეზიდენტად და მე მიმაჩნია რომ ასეთი მაღალი რანგის პროფესიონალი ნამდვილად გამოადგება საქართველოს ეროვნულ ბანკს და იმ პოზიტიურ პროცესებს, რომლის იმედიც გვაქვს ჩვენი ქვეყნის ეკონომიკაში“, – განუცხადა საქართველოს პრეზიდენტმა ჟურნალისტებს კობა გვენეტაძესთან შეხვედრის შემდეგ.

როგორც პრეზიდენტმა განაცხადა, ეროვნული ბანკის ახალი პრეზიდენტის კანდიდატურა შეირჩა სრულიად დემოკრატიული, ღია პროცესის შედეგად, რომელსაც ადმინისტრაციის უფროსი გიორგი აბაშიშვილი ხელმძღვანელობდა.

გიორგი მარგველაშვილის განცხადებით, მმართველ კოალიციასთან აქტიური თანამშრომლობით კობა გვენეტაძემ მოიპოვა ხმები პარლამენტში, ბოლოს კი იგი ეროვნული ბანკის პრეზიდენტობის კანდიდატად ეროვნული ბანკის საბჭომ წარმოადგინა.

გააკეთეთ კომენტარი

Please enter your comment!
Please enter your name here