საქართველოს ვიზალიბერალიზაციის საკითხის განხილვა ევროპარლამენტის კომიტეტში 27 ივნისს ჩაინიშნა

0
836

საქართველოს ვიზალიბერალიზაციის საკითხის განხილვა ევროპარლამენტის სამოქალაქო თავისუფლებათა, მართლმსაჯულებისა და შინაგან საქმეთა კომიტეტში (LIBE) 27 ივნისს ჩაინიშნა. კომიტეტის სხდომის დღის წერიგი ევროპარლამენტის ვებ-გვერდზე გამოქვეყნდა.

საქართველოს მოქალაქეებისთვის შენგენის ზონაში უვიზო მიმოსვლის შემოღებას ევროპარლამენტში კენჭისყრის გარდა, ევროკავშირის საბჭოს მხარდაჭერა სჭირდება. ევროკავშირის საგარეო საქმეთა მინისტრებმა აღნიშნულ საკითხზე უკვე იმსჯელეს, თუმცა გადაწყვეტილება არ მიუღიათ.

ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ფედერიკა მოგერინიმ განაცხადა, რომ ნიდერლანდებმა, როგორც თავმჯდომარე ქვეყანამ, საკითხი უნდა შეიტანოს ევროკავშირის მუდმივ წარმომადგენელთა კომიტეტის (COREPER) უახლოესი სხდომის დღის წესრიგში. COREPER, თავის მხრივ, ამზადებს პოზიციას ევროკავშირის საბჭოსთვის.

გააკეთეთ კომენტარი

Please enter your comment!
Please enter your name here