შსს-მ განსაკუთრებით დიდი ოდენობით ჰეროინი ამოიღო

0
855

შსს-მ განსაკუთრებით დიდი ოდენობით ჰეროინი ამოიღო.  უწყების ინფორმაციით  ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს ფსიქოაქტიური ნივთიერებების წინააღმდეგ ბრძოლის სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალების შეძენა-შენახვის ბრალდებით, 1978 წელს დაბადებული, წარსულში ნასამართლევი პ. გ. თბილისში, დიღმის მასივში დააკავეს.

შსს-ოს ინფორმაციით, სამართალდამცველებმა, დაკავებულის პირადი ჩხრეკისას, 11,78 გრამი ნარკოტიკული საშუალება ჰეროინი ამოიღეს. ბრალდებული ჩადენილ დანაშაულს აღიარებს.

გამოძიება განსაკუთრებით დიდი ოდენობით ნარკოტიკული საშუალების  შეძენა-შენახვის ფაქტზე  (საქართველოს სსკ-ის 260-ე მუხლის  მე-6 ნაწილის „ა“ ქვეპუნქტით) მიმდინარეობს.

გააკეთეთ კომენტარი

Please enter your comment!
Please enter your name here