თურქეთში პატიმრობაში მყოფი მეუღლის მოსანახულებლად ხუთ შვილთან ერთად წასული დედაც დააკავეს

თურქეთში პატიმრობაში მყოფი მეუღლის მოსანახულებლად ხუთ შვილთან ერთად წასული დედაც დააკავეს.

ქვეყანის ხელისუფლების მიერ 15 ივლისის შემდეგ მოძრაობა ″ჰიზმეთის″ წინააღმდეგ განხორციელებულმა სპეცოპერაციებმა არაადამიანურ დონეს მიაღწია. მოხალისე მასწავლებელი აბდულა გოქჩექი მოძრაობა ″ჰიზმეთის″ წინააღმდეგ განხორციელებული სპეცოპერაციის ფარგლებში დააკავეს. ანკარის სინჯანის ციხეში მყოფი მეუღლის მოსანახულებლად ხუთ შვილთან ერთად წასული ნაგიჰან გოქჩექიც დააკავეს. დედის დაკავების შემდეგ ხუთი ძმა ციხის შესასვლელთან მარტო დარჩა. ძმებთაგან ყველაზე უფროსმა შეზღუდული შესაძლებლობის მქონე ძმის ჩათვლით ყველას ვიდეო გადაუღო. სადაც ის ამბობს, რომ ″ხუთი ძმა ვართ, ციხის შესასვლელთან დავრჩით, ინვალიდი ძმა მყავს, ღმერთისთვის მიმინდიხართ″.

თურქეთის სახალხო რესპუბლიკური პარტიის (CHP) სტამბულის დეპუტატმა მაჰმუთ თანალმა სოციალური ქსელის საშუალებით ბავშვების ვიდეო გაიზიარა.

″სინჯანის ციხეში მამის მოსანახულებლად წასული ოჯახი; დედის დაკავების შემდეგ ციხის წინ მარტო დარჩენილი ხუთი ბავშვის დრამა. ჩემთან გამოგზავნილ მესიჯს უცვლელად გთავაზობთ″,-განაცხადა თანალმა და ვიდეო გაიზიარა.

დეპუტატმა, მაჰმუთ თანალმა საკითხთან დაკავშირებით განცხადება გაავრცელა.

″ამ ბავშვების ასეთი გზით მარტო დატოვება არც ბავშვთა დაცვის საერთაშორისო კონვენციას და არც სამართლებრივ ნორმებს არ შეესაბამება. ჩვენ ამ საკითხს აუცილებლად დავაკვირდებით. კანონმა რა თქმა უნდა, უნდა იმუშაოს. მაგრამ ხუთი ბავშვი რომ არ დაზარალდეს ამისათვის საჭირო ზომები რაც შეიძლება სწრაფად უნდა იქნას მიღებული.

ვინც დამნაშავეა რა თქმა უნდა, უნდა დაისაჯოს. კანონის საფუძველზე მოქმედება, ჩვენი ყველაზე მნიშვნელოვანი პრიორიტეტია. მაგრამ ციხეში მეუღლის მოსანახულებლად წასული დედის დაკავება და ამ მიზეზით ბავშვების მარტო დარჩენა, რომელთა შორის ერთი ინვალიდია, არც სინდისის, არც მორალის და არც კანონის ჩარჩოებში არ ჯდება. ეს ვიდეო მართლაც ადამიანური ტრაგედიაა. ამ საკითხზე დაკვირვებას გავაგრძელებთ″, – ნათქვამია განცხადებაში.

თურქეთში 15 ივლისის წარუმატებელი გადატრიალების მცდელობის შემდეგ 42 ათასზე მეტი ადანიანი დააპატიმრეს და 120 ათასი ადამიანიც სამსახურიდან გაათავისუფლეს, მათ შორის უმრავლესობა მასწავლებელი, ბიზნესმენი, მეცნიერი და დიასახლისია.