ქართულ და გერმანულ სკოლებს შორის ახალი საგანმანათლებლო პროგრამები იწყება

0
312

საქართველოში მოქმედი რამდენიმე წარმატებული სკოლა 2018-2019 წლის მეორე სემესტრს სიახლეებით შეხვდა. ამის შესახებ ინფორმაციას სკოლა-ლიცეუმი „სხივი“ ავრცელებს.

მათივე ცნობით, თბილისის სკოლა-ლიცეუმ „სხივის“, რუსთავის შოთა რუსთაველის სახელობის სკოლა-ლიცეუმის, ქუთაისის ნიკო ნიკოლაძის სახელობის სკოლა-ლიცეუმის დირექტორები და განათლების თემაზე მომუშავე ექსპერტები სამუშაო ვიზიტით გერმანიაში იმყოფებოდნენ.

ვიზიტის მიზანს წარმოადგენდა სკოლებს შორის ურთიერთთანამშრომლობის მემორანდუმის გაფორმება. მიმდინარე წლიდან ქალაქ შტუტგარდის ერთ-ერთი წამყვანი სკოლა ,,ბილ შულენი“ და ქართული სკოლები თანამშრომლობის ახალ ფორმატს დაიწყებენ, რომელიც ითვალისწინებს მთელ რიგ სიახლეებს ქართულ სკოლებში, რაშიც გერმანული პარტნიორი სკოლა დაეხმარება.

„ვიზიტი საინტერესო და ნაყოფიერი იყო, ხელი მოეწერა მეგობრობისა და თანამშრომლობის მემორანდუმს. ჩვენს სკოლაში უკვე ინგლისურ ენასთან ერთად, გაძლიერებულად ისწავლება გერმანულიც, რაც ჩვენს მოსწავლეებს ხელს შეუწყობს, ჩაერთონ გერმანულენოვან პროექტებში, გაცვლით პროგრამებსა და საზაფხულო სკოლებში. იგეგმება პედაგოგების გაგზავნაც გერმანიაში, რაც ვფიქრობთ, ჩვენს სკოლას და ჩვენს პარტნიორ სკოლებს განვითარების ახალ ეტაპზე გადაიყვანს“, – აღნიშნა სკოლა-ლიცეუმ „სხივის“ დირექტორმა, ეკა ჩიქობავამ.

მემორანდუმის მიზანს წარმოადგენს სკოლებს შორის ურთიერთანამშრომლობა მოსწავლეებში აღმზრდელობითი და შემეცნებითი კულტურის პოპულარიზაციის მიზნით და ამასთანავე, მემორანდუმი ითვალისწინებს სკოლების მიერ ერთმანეთისთვის სასწავლო სტანდარტებისა და პროგრამების თაობაზე გამოცდილების გაზიარებას.

ვიზიტის ფარგლებში ასევე შედგა შეხვედრა ქართული დელეგაციას, გერმანიის საჯარო სკოლების ექსპერტებსა და განათლების თემაზე მომუშავე ორგანიზაციებს შორის, რომლებიც ასევე გეგმავენ მჭიდრო ურთიერთობას შერჩეულ ქართულ სკოლებთან.

გააკეთეთ კომენტარი

Please enter your comment!
Please enter your name here