საქართველოს რეგიონებში მანდატურები კიდევ 27 საჯარო სკოლაში შევლენ

0
254

სასკოლო უსაფრთხოების სფეროში მიმდინარე რეფორმის ფარგლებში, მანდატურის სამსახური საქართველოს რეგიონულ ცენტრებს აძლიერებს.

უწყების ინფორმაციით, დღეიდან, მანდატურები შვიდი რეგიონის: აჭარის, კახეთის, გურიის, სამეგრელოს, სამცხე-ჯავახეთის, ქვემო ქართლისა და მცხეთა-მთიანეთის, დამატებით 27 საჯარო სკოლაშიც იქნებიან წარმოდგენილი.

მანდატურის სამსახურის ინფორმაციით, ახლად დანიშნულმა მანდატურებმა, უსაფრთხოების ახალი წესის თანახმად, შინაგან საქმეთა სამინისტროს აკადემიაში ორ თვიანი გადამზადების კურსი გაიარეს. ისინი ეფექტური კომუნიკაციისა და კონფლიქტების მართვის უნარებს დაეუფლნენ და ბავშვისა და მოზარდის განვითარების ფსიქოლოგიური ასპექტები შეისწავლეს.

დღეისთვის, მანდატურის სამსახური, საქართველოს მასშტაბით, უკვე წარმოდგენილია 485 საჯარო სკოლაში, სადაც მოსწავლეთა საერთო რაოდენობის 70 პროცენტზე მეტი სწავლობს. მიმდინარე რეფორმის ფარგლებში, 2020 წლის ბოლომდე, მანდატურის სამსახურის მომსახურებით  დამატებით 233 საჯარო სკოლა ისარგებლებს.

გააკეთეთ კომენტარი

Please enter your comment!
Please enter your name here