ვლადიმირ ზელენსკის უკრაინის საპრეზიდენტო არჩევნებში გამარჯვებას საქართველოს პრემიერ-მინისტრი მამუკა ბახტაძე ულოცავს.
„ვულოცავ ახლად არჩეულ პრეზიდენტს, ვლადიმირ ზელენსკის. საქართველო მხარს უჭერს უკრაინის მშვიდობიან და დემოკრატიულ გადაწყვეტილებას“, – წერს მამუკა ბახტაძე სოციალურ ქსელ „ტვიტერში“.
უკრაინის ცენტრალური საარჩევნო კომისიის მიერ ხმების 97%-ის დათვლის შემდეგ ვლადიმერ ზელენსკი 73.14%-ით ლიდერობს. მას გამარჯვება უკვე მიულოცა მისმა კონკურენტმა, მოქმედმა პრეზიდენტმა პეტრო პოროშენკომ.
