გვატემალის ციხეში ამბოხის შედეგად სულ მცირე 6 ადამიანი დაიღუპა. როგორც “როიტერი” იტყობინება, პატიმრები კალაშნიკოვის ავტომატებით არიან შეიარაღებული.
ციხე დედაქალაქიდან დაახლოებით 65 კილომეტრში მდებარეობს. 600-ადგილიან დაწესებულებაში სასჯელს 3 000-ზე მეტი ადამიანი იხდის.
“როიტერი” წერს, რომ ამბოხის ჩასახშობად ციხეში პოლიციის და არმიის სპეცდანიშნულების ძალები გაიგზავნა.
